جهاز تحليل وزن الجسم

جهاز بيقيس مكونات الجسم من عضلات ودهون و اماكن توزيع الدهون في الجسم

جهاز تحليل نسب الدهون
 
هو جهاز بيقيس مكونات الجسم من عضلات ودهون و اماكن توزيع الدهون في الجسم , كل اللي عليك انك تقف على الجهاز 
 فبيوضح لك نسبة الدهون في جسمك .
 
أما فكرة الجهاز بتعتمد على الـ) BIA تحليل طاقة الجسم البيوكهربائية) . الجهاز بتمرير تيار صغير فى الجسم مابين الأيدين أو الرجلين ، فبيقيس مقاومة الجسم الكهربائية . لأنه بيعتمد على أن العضلات بتتكون أغلبها من الماء بنسبة (79%) ، أما الماء في الدهون فبتكون بنسبة (10%)، والماء أصلًا موصل للكهربا. فكلما قلت مقاومة الجسم كلما قل قراءة نسبة الدهون . بمعنى أنه لما يقرأ الجهاز مقاومة صغيرة، فـ ده معناه أن كمية الماء (عضلات) أكتر في الجسم من الجهاز.
بس المشكلة أن نسبة الماء في الجسم بتتغير من ساعة لساعة ، ومن اليوم لـ اللي بعده. فممكن تحصل على أكتر من قراءة في نفس الأسبوع .... ولكن أثبتت بعض الدراسات ان قراءة الجهاز بتكون دقيقة ولكن القراءة بتختلف لعدة أسباب :
• تناول الطعام.
• درجة حرارة الغُرفة.
• التمرين قبل القياس.
• الإصابة بمرض يسبب تغير في إحتباس السوائل والأملاح بالجسم.
 
والبعض أكد ان عشان تحصل على نتايج سليمة بنسبة 90% يبقى لازم نتجنب الأسباب السابقة اللي ممكن تخلي الجهاز قراءته مش دقيقة وإتباع الأرشادات الأتية :
• عمل الميزان قبل التمرين ، وليس بعده.
• التأكد من دخول الحمام قبل القياس .
• عدم أخذ ساونا أو شاور أو بخار قبل القياس.
دور الجهاز مش بينتهي انه بيقرأ لك النسب وبس، لأ كمان بيديلك تقدير لـ الاحتياجات اليومية من السعرات الحرارية، وبعض النصائح عن التمارين المُناسبة لك.